دەقی وتارەكەی خانمی مريەمی رەجەوی لە گردبوونەوەی ساڵانەی موقاومەتی ئێران

رووخاندنی رژێمی ئاخوندی حاشاهەڵنەگرە و ئێران رزگار دەكرێت

رۆژی شەممە 9ی پووشپەڕی 1397 (30ی يونيوی 2018) گردبوونەوەی گەورەی موقاومەتی ئێران لە پاريس بەڕێوەچوو. لە كۆبوونەوەی شكۆداری ئێرانييەكان، شاندەكانی ميوان لە هەموو وڵاتانی جيهانەوە كە بريتی بوون لە كەسايەتييە ديارە سياسييەكان، ئەندامانی پەرلەمانەكان، شارەدارەكان، پەرلەمانتاران و كارناسان و پسپۆڕانی نێودەوڵەتييش بەشدارييان كرد.

ئەو بەڕێزانەی وتاريان خوێندەوە لەو گردبوونەوەيەدا لە پاريس، پشتيوانيكردنی خۆيان لە راپەڕينی خەڵكی ئێران و ئالترناتيڤی ديموكراتيی ئەنجوومەنی نيشتمانيی موقاومەتی ئێران دووبارە كردەوە و داوايان لە كۆمەڵگای نێودەوڵەتی كرد سياسەتێكی توند دژ بە فاشيزمی دينيی دەسەڵاتدار لە ئێران بگرنە بەر و بێنە تەنيشت خەڵكی راپەڕيوی ئێران.

دەقی وتارەكەی خانمی مريەمی رەجەوی لە گردبوونەوەی ساڵانەی موقاومەتی ئێران:

.........

هاونيشتمانيان،

دوستانی بەڕێز،

كەسايەتی و پەرلەمانتارانی وڵاتان،

سڵاو بۆ ئێوە و سەرجەم هاووڵاتيانی ئازيزم لە ئێران و سەراسەری جيهان. يەكەم شت كه ئەمساڵ دەبێ بوترێ، گڕگرتنی راپەڕينی پيرۆز و ئازاديبەخش لە تارانە و سەراسەری ئێران. دووبارە مەشهەد و شيراز و قيشم و بەندەرعەباس و كەرەج و كرماشان و شەهريار و ئيسلامشەهر و كاشان و ئەراك و ئيسفەهان و رامهۆرمۆز و ...

بەڵی، دانامركێت و بێوچان بەردەوامە.. بەردەوام پەرە دەسەنێت و قووڵ دەبێتەوە. خرۆشی شارەكان و لاوانی شۆڕشگێڕ، لێدانی دڵی ميللەتی ئێرانە بۆ گەيشتن بە ئازادی و ئێرانێكی ئازاد.

دووبارە درود بۆ هاووڵاتييانم لە خوڕەمشار كە تينووی ئاو و ئازادييە. ئێوە كە بە راشكاوی بە ئاخوندانتان وت، نوێژەكانتان باتڵە.

من لە لايەن موقاومەتێكەوە ئامادەی ئەو كۆبوونەوەيەم كە هەموو هەست و نەستی خۆی بەخت كردووە لە پێناو سەركەوتنی راپەڕينی ئێران و بۆ ئازادی و سەرفەرازی و شكۆی ئێران. من هاتووم ئەوەی ئێوەی راپەڕينكار دەتانەوێت رايبگەيەنم.

كات كاتی رووخانی رژێمە. سەركەوتنمان حاشاهەڵنەگرە و ئێران رزگار دەبێت.

سڵاو بۆ موجاهيدينی ئازادی لە ئەشڕەفی-3. قەرارگای بێقەراران، پيرۆز بێت درووستكردنی ئەشڕەفی 3 لە سەردەستی خۆيان.

بۆ پێشەوە بەرەو هەزار ئەشرەف لە ناوخۆی وڵاتی داگيركراوماندا

رووخاندنی رژێم ئاخوندی

لە راپەڕينی مانگی بەفرانبارەوە، لوتكەی گۆڕانكاری و رووخانی رژێم لە ئێران دەركەوتووە و نيشانەی سەركەوتنی شۆڕشی ديموكراتی، بێ شا و بێ ئاخوندان، بەرچاو دەكەوێت و خەڵكی ئێران بە راپەڕين و سەرهەڵدان و شانەكانی شۆڕش، لۆسەی رووخاندنی رژێميان بەدەستەوە گرتووە.

چۆن دەكرێت ئەم راستييانە ببينرێت و چۆناوچۆن؟

يەكەم، لە بەر رۆشنايی خۆرەتاوی بەرخۆدان و موقاومەت، سيحر و جادووی «رێگە چارە» لە ناو فاشيزمی دينی، سووتاوە و باتڵ كراوە. خەڵك و لاوانی شۆڕشگێڕ، كۆتايی كاری هەر دوو باڵەكەی رژێميان راگەياندووە. هەر ئەو گەنجە بوێر و نەترسانەی رێگای هەڵمەت و ئەوپەڕی هێرشبەری و رێگای بەرخۆدانيان گرتۆتە بەر، بە هەر نرخێك بێت.

بەردەوامبوونی راپەڕين و بزوتنەوەی ناڕەزايەتی دەربڕين لە ژێر ئەۆپەڕی سەركوتكردندا.

دووەم نيشانەی قۆناغی رووخاندنی رژێم ئەوەيە كە خەڵكی ئێران شەش مانگە دەستيان داوەتە راپەڕين و بزوتنەوەی ناڕەزايەتی دەربڕين لە ژێر ئەوپەڕی سەركوتكردندا. ئەويش سەرباری ئەوەی زۆرێک زیندانی ئەشکەنجە دراون رژێم دەڵێت خۆیان کوشتووە و سەرباری گرتن و لە سێدارەدانی ترسێنەری رۆژانە.

كرێكارانی كارخانەی شەكری (هەفت تەپە) دەستيان بە راپەڕين كردەوە. دوای ئەويش كرێكارانی كارخانەی پوڵای ئەهواز و ئينجا جوتيارانی ئيسفەهان راپەڕين. نوێژكەران لە ئيسفەهان پشتيان لە لە ئيمام جومعەی خامنەئی كرد و خرۆشان كە ”پشت بە دوژمن،، روو لە نيشتمان”.

بڵێسەی راپەڕین لە پارێزگای ئيسفەهان هێشتا لە بەردەوام بوو كه هاووڵاتييانی عەرەبمان لە خوزستان بە تايبەت شاری ئەهواز راپەڕين. دوای ئەوەيش، كوردستان راپەڕی و مانگرتنە درێژماوەكەی خەڵكی شاری بانە هەمووانی خۆشحاڵ كرد و دەستخۆشيان لە خەڵكی شاری بانە كرد. دواتر لە سەر هێڵی رووخانی رژێم، نموونە و نيشانەيەكی نوێ دەركەوت: كازرون، شاری راپەڕين و ئاگر و خوێن، بەو ئافرەت بوێرانەی لەگەڵ براكانيان، بە داروبەرد، پاشەكشەيان بە هێزە چەكدار و تەيارەكانی دوژمن كرد لەسەر نموونەی شاری ئەشڕەف.

لێرەوە را راپەڕین خێرايی بە خۆيەوە بينی. مانگرتنی شۆفێر و كاميوندارانی زەحمەتكێش لە 285 شار لە 31 پارێزگای ئێران بۆ ماوەی 12 رۆژ رژێمی وەلەرزە خست.

مامۆستایان و خانە‌نشينكراوەكان و ئەوانەی داراييەكانيان لە دەست چووە و هەروەها كرێكارانی سەدان بەشی بەرهەمهێنەر رۆژانە راپەڕين بە بەردەوامی. لە هەفتەی رابردووەوە بازاڕی تاران دەستی پێكرد و راپەڕين لە تاران و شارەكانيتر گڕی گرت. ئێران دووبارە راپەڕی. بە هەموو رۆڵە و نەتەوە و قەومەكانيەوە.

بەرەو کۆێ؟.. ئێرانێكی ئازاد، بە تێکەوەپێچانی ديكتاتۆرييەت و تاڵانکاری تا سەركەوتن بەسەر بارەگای عەلی خامنەئی دا.

دۆخی روو لە تەقينەوە و بێ گەڕانەوە

سێيەم نيشانەی رووخاندنی بێ مشت و مڕی فاشيزمی دينی ئەوەيە كە ئاڵۆزی و كێشە ئابووری و كۆمەڵاتييەكان و بە تايبەت گرانی و بێكاری و نەداری و نايەكسانی گەيشتۆتە ئاستێك كە گەڕانەوە بەرەو دواوە هەڵناگرێت. هەمووان هەست بە دۆخی روو لە تەقينەوەی كومەڵ دەكەن و لەگەڵ ئەوانەشدا. ئاخوندان نە هەڵگری رێگاچارەن و نە دەيانەوێت و نە دەشتوانن تەنانەت يەك كێشە چارەسەر بكەن.

ويلايەتی فەقيهی ئاخوندی هيچ رەوايەتی نيە. پلە و پايەی خامنەئی لە رادەبەدەر دابەزيوە. قەيرانی نەبوونی پارە تەواوەتی رژێمی داگرتووە. سوپای پاسداران و بەسيج تووشی هەڵوەرين بوون و نومايشی ئيسڵاح و ريفۆرم بۆ لە سەر پێ هێشتنەوەی رژێم كڕياری بۆ نەماوە و سەر تا پێی دەسەڵات نوقمی گێژاوی شەڕی دروونی بووە.

ئێستا ئەوە پشتيوانانی ئەم رژێمەن كه دان دەنێن بە بوونی دوو دەسەڵاتی دژ بە يەك لە لووتكەی ئەم رژێمەدا. يەكێكيان بە ئاشكرا وتويەتی: ”لە نزيكبوونەوەداين بەرەو وەرچەرخانێك لە سڕينەوەی يەكێك لەو دوو دەسەڵاتە. يا دەوڵەتی نائاشكرا دەسەڵات دەگرێتە دەست ياخود ناچار دەبێت واز لە دەسەڵاتە جياجياكانی خۆی بهێنێت”.

داڕمانی سياسەتی سازان و موداراكردن

چوارەمين نيشانەی قۆناغی رووخاندن ئەوەيە كە لە ئاستی نێودەوڵەتيدا، ئاخوندان پشتيوانی هەرە سەرەكیی خۆیان، واتا سياسەتی سازان و موداراكردنيان لە دەست داوە كە لە ئەمريكا بوو. قەڵغانی نێودەوڵەتی بۆ هێشتنەوەی ئەو رژێمە داڕماوە و بە كردەوە رێككەوتننامەی ئەتۆميشيان له دەست داوە. رنوی سزاكان بەردەوام بەسەرياندا دەبارێت و توانای شەڕئەنگێزی و ئاژاوەنانەوەی دابەزيوە. سزای چەك و چۆڵ و سزای نەوت، كە موقاومەتی ئێران لە چڵ ساڵ لەمەوبەرەو خوازياريەتی، ئێستا تا رادەيەك دەستی پێكردووە. سەردەمی بوختان و قسەی هەڵبەستراو و بۆمبابارانكردن و سەركوتكردنی ئۆپوزيسيۆن لە سەر داوای ئەم رژێمە و لە پێناو بەرژەوەندييەكانی ئەو رژێمە بەسەر چووە.

رەنج و خوێنی شەهيدان و ئەسيران لە راپەڕينەكاندا بڵێسە دەدات

پێنجەمين و گرينگترين نيشانەی قۆناغی رووخاندن كە ئاخوندان لێی تۆقابوون، پەيوەنديی نێوان رق و توڕەيی ستەملێكراوانە لەگەڵ موقاومەتێكی رێكخراو. ئەوەيش لە لايەن هەموو سەران و كاربەدەستانی ورد و درشتی ئەم رژێمەوە دانی پێدانراوە و واتاكەيشی ئەوەيە كە ئەوان دانيان به كۆتايی رژێمەكەياندا هێناوە.

بەڵی، رووخاندنی رژێم نزيكە.

لە ساڵانی رابردوو و لە ساڵی 1392 (2013)دوای بەبارمتەگرتن و دوای قەتڵوعامكردنی 52 موجاهيدی خەلق لە ئەشڕەف، مەسعود رەجەوی نەخشە رێگای هەزار ئەشرەف لە ناوخۆی ئێرانی و لە چوارچێوەی دامەزرێنەرانی چوارەمی ئەڕتەشی ئازاديبەخش راگەياند تا ئەو سازمانەی راپەڕينی رێبەرايەتی كردووە، لە پێوەنديدا بێت لەگەڵ خەڵكی راپەڕيوی ئێران. بەو پێيە، شانەكان و ئەنجوومەنەكانی موقاومەتی نيشتمانی، ريزی پێشەوەی ستراتيژيی راپەڕين و رووخاندنی رژێمن لە شارەكاندان. بەمجۆرەيە كە رەنج و خوێنی شەهيدان و زنيدانيان لە 20ی يونيۆی 1981ەوە تا ئەمڕۆ لە راپەڕينەكاندا رەنگی داوەتەوە. هەروەك مەسعود رەجەوی وتبووی: ”ئەگەر ئێران بووەستێت بەرانبەر بە ئاخوندان، جيهان لە تەنيشتمان دەوەستێت و لەگەڵمان دا دەبێت”.

نەوەيەكی لێوانلێو لە شەوق و تينووی ئازادی راپەڕيوە. راپەڕينكاران و شانەكانی شۆڕش رێگايەكی تازەيان كردۆتەوە.

راپەڕن و هەنگاو بنێنه ئەم رێگايە! لەگەڵ ئەواندا يەك بگرن و لە وڵامی ئەواندا بەرەو ئێرانێكی ئازاد بلێن حازرین!

بينيتان «وەرزنەيی»ەكان كۆنترۆڵی دەروازەی شاريان گرتە دەست. «كازرونی»ەكانيش شەقامەكانيان گرت و شۆفێر و كاميوندارەكانيش جادەكانيان كۆنتروڵ كرد.

بينيتان كە لاوانی تاران لە شەقامەكانی لالەزار، فيردەوسی، شوش، ميللەت و ئيكباتان، بە چ ورە و ئازايەتييەوه لە شەقامەكان سەنگەريان گرت و بەرانبەر بە كرێگرتە دڕندەكانی حكومەت وەستان!

ئەوە خەبات و بەرخۆدانی ميللەتی ئێرانه بۆ سەركەوتن بەسەر ئاخوندان له سەراسەری وڵات و بۆ لێسەندنەوە و رزگاركردنی ئێران لە ئاخوندانی داگيركەر.

رووخاندنی رژێم پێويستی بە شانەكانی شۆڕش و ئەڕتەشی ئازاديبەخش هەيە

پيشەی ئالترناتيڤ دروستكردنی خەياڵی و دەستكرد لە بازاڕی سياسەت، هەڵبەت بە (كۆپی پەيست)كردن لەم رۆژانەدا بازاڕی گەرمە. كە ئەوەش يەكێكە لە نيشانەكانی قۆناغی كۆتايی ئەم رژێمە. بەڵام كێشەكە لەوەدايە كە چۆناوچۆن دەيانەوێت پشتی ئەم رژێمە لە ئەرز بدەن؟ بە تايبەتی كە رووباری سووری خوێنی شەهيدان لە مێژوودا، نە جێگەيەكی هێشتۆتەوە بۆ شين بوونی كۆنەپەرەستيی ئاخوندان و نە بۆ كۆنەپەرەستيی رژێمی پاشايەتی.

ئێستا ئەگەر:

بێ رێكخستن و بێ رێبەری، بێ تێپەڕبوون بە بوركانی ئاگرينی تاقيكردنەوەكان و بێ دانی قيمەت و بێ فيداكاری و خۆبەختكردن و تێكۆشان، دەكرێت كۆتايی بەم رژێمه بهێنرێت، ئێمە دەڵێين: بفەرمون، بێ سێ و دوو. خێرا بن!

ئەگەر بێ پێشينە و رابردووی خەبات و تێكۆشان بەرانبەر بە دوو رژێمی ديكتاتۆری، بێ هەبوونی هێڵی سوور لە نێوان گەل و ديكتاتۆری و وابەستەيیدا، بێ موقاومەت و بەرخۆدانی سەراسەری و بێ كاكەشانی شەهيدان و بێ تێهەڵچوون لەگەڵ ئەسڵی ويلايەتی فەقيهی ئاخوندی و ئيسڵاح تەڵەبانی ساختەدا، دەكرێت دسەڵات بڕۆوخێنرێت و دەسەڵاتی گەل لە جێی دابنرێت، بفەرمون بيكەن، بێ سێ و دوو. خێرا بن!

ئەگەر بێ بەربەرەكانی بەرانبەر بە خومەينی سەبارەت بە شەڕی دژەنيشتمانی و بەقوڕگرتنی تەنووری شەڕ و درووشمی «رزگاركردنی قودس بە رێگەی كەربەلا»وە، بێ سەپاندنی ئاگربەست بە سەد زنجيرە ئۆپەراسيۆنی ئەڕتەشی ئازاديبەخشی ميللی و رزگاركردنی مێهران و پێشڕەوی كردن تا دەروازەی شاری كرماشان و بێ لەقاودانی جيهانيی بەرنامە و پروژە و دامەزراوە ئەتۆمی و مووشەكی و شيميايی و ميكڕۆبييەكانی رژێمی ئاخوندی دەكرێت ئاخوندەكان بڕوخێنرێت بفەرمون، دوای مەخەن!

ئەگەر بێ لەقاودانی جيهانيی پێشێلكارييەكانی رژێمی ئاخوندی لەمەڕ مافەكانی مرۆڤ و تاوانەكانی رژێم لە 64 بڕيارنامەی نەتەوە يەكگرتووەكان و بێ بزوتنەوەی دادخوازيی زيندانيانی سياسيی قەتڵوعامكراوی ساڵی 1367 (1988) و بێ چالاكی و هەڵمەتی ئەشڕەف نيشانەكان لە هەر چوار گۆشەی جيهان و پێداگرتن لەسەر مافەكانی ميللەتی ئێران بۆ ماوەی چوار دەيە و بێ بەرنامە و پلانی روونی ئەنجوومەنی نيشتمانيی موقاومەتی ئێران و حكومەتی كاتی بۆ قۆناغی گواستنەوەی دەسەڵات بۆ گەلی ئێران و سەرەنجام، بێ رێبەرايەتييەكی كارا و بە ئەزموون و روون، كە پەنجا ساڵە ئەم خەبات و تێكۆشانەی بەرەوپێش بردووە، ئەگەر بێ ئەوانە دەكرێت رێگای ئەم پەنجا ساڵە بە يەك شەو بخرێتە پشت و تەنها و تەنها بە خەياڵی پشتيوانيكردنی دەرەكی لە ئێران دەكرێت گۆڕانكاری راستەقينه بكرێت، بفەرمون ئەوە ئامێر و ئەوەش مەيدان!

بەڵام پێويستە بڵێم ئەم خەون و خەياڵە تەنيا كاتێ دێتە دی كە هەروەك عێراق چۆن داگير كرا، واتا بە لەشكركێشی، بۆ سەر ئێرانيش لەشكركێشی بكرێت كە دەرەنجامەيشی هەر لە ئێستاوە روونە و دیارە.

لە 40 ساڵی رابردوودا، ئەوانەی تەنها ئيدديعا دەكەن و قيمەت بۆ قسەكانيان نادەن، هەر هەموويان شانسی خۆيان تاقی كردەوە. بەڵام راستييەكان و ئەزموونەكان نيشانی دا كە ئەم رژێمە نە ئيسڵاح دەكرێت و نە «سەوز» و «مەخمەلی».

رووخاندنی ئەم رژێمە نرخی خۆی هەڵدەگرێت. راستگۆيی و فيداكاريی هەڵدەگرێت. پێويستی بە سازمان و رێكخستن و ئالترناتيڤێكی پتەو و سياسی هەيە. پێويستی بە شانەكانی شۆڕش و ئەڕتەشی ئازاديبەخشی ميللی هەيە.

هاوكات هەروەك مەسعود رەجەوی لە تاوتوێكردن و هەڵسەنگاندنی راپەڕينی مانگی بەفرانباری ساڵی رابردوو وتی: "ئێمە رەقيبی كەس نين بۆ گەيشن بە دەسەڵات و بە دڵنياييشەوە كەس رەقيبی موجاهيدين نيە لە راستگۆيی و فيداكاری و دانی نرخی شۆڕش".

بەرەی هاوبەنديی نيشتمانی بۆ رووخاندنی ديكتاتۆريی ئايينی

موقاومەتی ئێران لە 16 ساڵ بەر لە ئێستاوە بە پەسندكردنی گەڵاڵەی بەرەی هاوبەنديی نيشتمانی بۆ رووخاندنی ديكتاتۆريی ئايينی رايگەياندوە ئامادەيە بۆ هاوكاريكردنی هەموو هێزێكی كۆماريخواز كە پابەند بێت بە رەتكردنەوەی رژێمی ويلايەتی فەقيهی و بۆ ئێرانێكی ديموكراتی و سەربەخۆ لەسەر بنەمای جياكردنەوەی دين لە حكومەت.

ئەنجوومەنی نيشتمانيی موقاومەت لە 40 ساڵ بەر لە ئێستاوە بە دوور لە سياسەتی زارەكی و بێ بنەما، نرخی يەكە بە يەكەی وشەكان و پەسندكراوەكان و بەڵێنەكانی خۆی بە رەنج و خوێنی زۆر تۆمار کردووە.

ئێمە بانگەشەی كۆمەڵگايەك دەكەين كە تار و پۆی، ئازادی و ديموكراسی و يەكسانييە. هەروەها خاوەنی سنووربەندييە بەرانبەر بە ديكتاتۆری و وابەستەيی و جياكاری رەگەزی و قەومی و چينايەتی. ئێمە ديفاع دەكەين بە ئێستايشەوە لە يەكسانبوونی نێوان ژنان و پياوان، لە مافی هەڵبژاردنی ئازادانەی پۆشش و جل و بەرگ. جياكردنەوەی دين لە حكومەت، لە خودموختاری نەتەوەكان، لە يەكسانبوونی مافە سياسی و كۆمەڵايەتيەكانی هەر تاكێكی ميللەتی ئێران، لە هەڵوەشاندنەوەی سزای ئيعدام و سێدارە، لە ئازاديی رادەربڕين و ئازاديی حيزب و ميديا و كۆبوونەوەكان. لە ئازادبوونی يەكێتی و ئەنجوومەن و سەنديكاكان.

گەڵاڵەی ئەنجوومەنی نيشتمانيی موقاومەتی ئێران بۆ خودموختاريی كوردستانی ئێران بە دوازدە خاڵ كە 35 ساڵ بەر لە ئێستا پەسند كرا و راگەياندرا، ئێستايشی لەگەڵدا بێت يەكێكە لە نموونە هەرە تەواو و فرەرەهەندەكانی جيهان. هەروەها ئێرانی ئازاد، ئێرانێكە نائەتۆمی كە تيايدا پێكەوەژيان بوونی هەيە و هاوكار دەبێت لە ئاستی ناوچەكە و جيهاندا.

ئەوەيە سيمای بەديلێكی ديموكراتییە بەرانبەر بە دەسەڵاتی ئاخوندی و هەرجۆرە ديكتاتۆرييەتێك.

لەم رێڕەوەدا، يەكەم هەنگاو. گواستنەوەی دەسەڵاتە بۆ گەلی ئێران. بە پشت بەستن هەر بەو خەڵكە و پێگە جەماوەرييەیە كە دەكرێت خۆمان لە ئاژاوە و بشێۆی و نائەمنی دوور رابگرين و دەكرێت تەواوەتی ئێران و ئێرانی بپارێزرێت بە سەرفەرازی.

بە پێی بەرنامەی ئەنجوومەنی نيشتمانيی موقاومەتی ئێران، دوای رووخاندنی رژێم، حكومەتێكی كاتی بۆ ماوەی شەش مانگ پێك دەهێنرێت كە ئەركی هەرە سەرەكی، پێكهێنانی ئەنجوومەنی دامەزرێنەران (مجلس موسسان)ە بە رێگەی هەڵبژاردێكی ئازاد بە دەنگی گشتی و راستەوخۆ و يەكسان و بە نهێنی.

ئەم ئەنجوومەنە دەبێ لە ماوەی دوو ساڵدا ياسای بنەڕەتی (قانون اساسی)ی كۆماری نوێ ئامادە بكات و بخرێتە بەر دەنگدانی خەڵك. هەروەها دامەزراوە و پێكهاتە بنەڕەتييەكانی كۆماری نوێ بە پێی دەنگی خەڵك دەست بە كار دەبن.

مافی دەسەڵاتی پێشێلكراوی خەڵكی ئێران دەبێ بگەڕێتەوە بۆ خەڵك

ئێمە لەو باوەڕەداين كە دەكرێت كۆمەڵ لە گرانی، نەداری، بێكاری، زاغەنشينی، نەبوونی ئاو و كارەساتی ژينگەيی رزگار بكرێت. بەڵام بەر له هەر شتێك مافە سياسيەكان و بە تايبەت مافی پێشێلكراوی خەڵكی ئێران دەبێ بگەرێتەوە بۆ خەڵك و دووبارە زيندوو بكرێتەوە. ئەوە سەرچاوەی موقاومەتی ئێمە و فەلسەفەی مەوجوودييەتی ئەنجوومەنی نيشتمانيی موقاومەتی ئێرانە.

بەڵام سوودی رژێم بەردەوام لەوەدا بووە كە حاشا لە توانای ئەم موقاومەتە و ئەم بەديلە بکات و كەڵك لە سازشكاران و موداراكاران لە رۆژئاوا بگرێت بۆ سەركوتكردنی ئەم بزوتنەوەيە.

هەربۆيە لە پێوەند لەگەڵ ئێران، تا ئەو كاتەی بابەتی موقاومەت و مافی موقاومەت و به رەسمی ناسينی ئەم موقاومەتە نەخرێتە ناو هاوكێشەكان، ناكرێت زەرەر و زيانەكانی سياسەتی سازشتكردن لەگەڵ فاشيزمی دينی قەرەبوو بكرێتەوە.

ئێمە بەردەوام وتومانە و دووپاتی دەكەينەوە كە رووخاندنی رژێم و گۆڕانكاريی ديموكراتييانە و پێكهێنانی ئێرانێكی ئازاد لە ئەستۆی خۆمان و گەلەكەماندایە. ئێمە هاوكات پێشوازی دەكەين لە هەر چەشنه پاشەكشە پێكردنی رژێمی ئاخوندی. چون هەزار پەرداخی ژار خواردن لە خزمەت هەزار ئەشڕەفدايە.

ئەمڕۆ رۆڵە دلێرەكانی ئێران لە هەوڵی ماندوويی نەناسانەدان بۆ كاری راپەڕين. دروود دەنێرم بۆ ژنانی بوێری ئێران كە له هەموو شوێنێكدا پێشەنگ و پێشڕەون. دروود بۆ لاوان و ئەندامانی شانەكانی شۆڕش كە لە ناو زيندانيشدا، بە پێداگريكردن و سووربونيان لە سەر سوورترين ناو، واتا پێناسەی موجاهيدبوونی خۆيان، رژێميان بە تەواوی تۆقاندووە.

هەر چركەيەك لە پێناو راپەڕين كار بكەين و بۆ پێشخستنی راپەڕين فيداكاری بكەين

داواتان لێدەكەم بە كردەوە پشتيوانی راپەڕينەكان بن. هەر ئێرانيەك لە هەر كوێيەك بێت بۆ پێشخستنی راپەڕين كارێكی لە دەست دێت. هەروەها ئێوەی لاوانی ئێرانی كە ئامادەی ئەم كۆبوونەوەن كارێكی زۆرتان له دەست دێت. ئەوە بەڵێنی هەموومانە، بەڵێنی من و ئێمەیە بۆ ميللەتی ئێران كە هەموو شتێكمان تەرخان بكەين بۆ راپەڕين. لە هەر چركەيەك دا كار بكەين بۆ راپەڕين و لە هەموو بەرەكاندا بۆ پێشتخستنی راپەڕين فيداكاری بكەين. بەڵی، هەموومان پێكەوە بۆ راپەڕين کار بکەین و هەر چركەيەكمان بۆ راپەڕين بێت.

دروود بۆ هەموو شەهيدان و زيندانيانی خۆڕاگر لە 30 جۆزەردانی 1360 (21ی يونيوی 1981)ەوە تا ئەمڕۆ. بە يادی عەشقە بە تين و بڵێسەدارەكان، سەديقە موجاوری و نەدا حەسەنی، لە پازدەهەمين ساڵيادی شەهيدبوونياندا. ياد و ناويان بەڕز و پيروز بێت.

من به باشی ئاگادارم كە هەستی پاكی ئێوە بۆ كاكەشانی شەهيدانی موقاومەت و ئەڕتەشی ئازاديبەخشی خەڵكی ئێرانە و لە پێناو راپەڕينكاران و شانەكانی شۆڕش و زيندانيانی پايەدار و خۆڕاگر. بە تايبەت لە پێناو شەهيدانی قەتڵوعامكراوی ناو زيندانەكانی رژێمی ئاخوندی لە ساڵی 1367 (1988) كە ئەمساڵ 30 ساڵی بەسەردا تێپەڕی.

لە ناو ئەم شەوە تاريك و لێڵەدا

ئەپشكوێت سوورەگوڵ

كۆتاييهاتنی زستان گومان هەڵناگرێت و

بەدوايدا، بەهار بە هەزاران سوورە گوڵەوە

بێگومان دەردەكەوێت.

سڵاو بۆ ئازادی، سڵاو بۆ خەڵكی ئێران. دروود بۆ ئێوەی بەڕێز.

عەرەبی

https://www.maryam-rajavi.com/ar/item/regime-overthrow-is-certain-iran-will-be-free

فارسی

https://www.mojahedin.org/i/%D8%B3%D8%AE%D9%86%D8%B1%D8%A7%D9%86%DB%8C-%D9%85%D8%B1%DB%8C%D9%85-%D8%B1%D8%AC%D9%88%DB%8C-%DA%AF%D8%B1%D8%AF%D9%87%D9%85%D8%A7%DB%8C%DB%8C-%D8%A8%D8%B2%D8%B1%DA%AF-%D9%85%D9%82%D8%A7%D9%88%D9%85%D8%AA-%D9%BE%D8%A7%D8%B1%DB%8C%D8%B3