موقاومەتی ئێران، تاوانی تيرۆريستيی دژ بە حيزبی ديموكراتی كوردستان بە توندی شەرمەزار دەكات و پرسە و سەرەخۆشی خۆی ئاراستەی بنەماڵەی شەهيدان دەكات

موقاومەتی ئێران، تاوانی تيرۆريستيی دژ بە حيزبی ديموكراتی كوردستان بە توندی شەرمەزار دەكات و پرسە و سەرەخۆشی خۆی ئاراستەی بنەماڵەی شەهيدان دەكات

·         داواكارين ئەنجوومەنی ئاسايش بەدواداچوون بكات دەربارەی تيرۆريسمی رژێمی ئاخوندی دژ بە پەنابەران و نەيارانی ئێرانی بە تايبەت لە كوردستانی عێراق

دەفتەری سياسيی حيزبی ديموكراتی كوردستان رايگەياند كە لە دوو تەقينەوەی تيرۆريستيدا لە نزيك يەكێك لە بارەگاكانی ئەم حيزبە 6 كەس لە كاديران و پێشمەرگانی حيزب گيانيان لە دەست دا و 4 كەسيتريش بريندار بوون.

لەم دوو كردە تاوانكارانەيەدا، عەلی قۆیتاسی، وەهاب میر خزری، سالار باقری، ئەرسەلان عەباس نیا، ناسر کەریمی و عەدنان عەبدوڵلا شەهيد بوون.

موقاومەتی ئێران دروود دەنێرێت بۆ شەهيدان و پرسە و سەرەخۆشيی خۆی ئاراستەی خانەوادەی شەهيدان دەكات و هيوای سەلامەتی و چاكبوونەوەی خێرا بۆ برينداران دەكات و ئەم كردە تاوانكارانە تيرۆريستييە كە پێشێلكردنی بە ئاشكرای ياساكان و پەيماننامە نێودوڵەتيەكانە بە توندی سەركۆنە دەكات و داوا لە حكومت و بەرپرسانی هەرێمی كوردستان دەكات تاوانكاران و بەرپرسانی ئەم تاوانە شوناسايی بكەن و سزايان بدەن و رێگە نەدەن بەكرێگيراوانی رژێمی ئێران هەستن بە تاوان بەرانبەر بە پەنابەران و نەيارانی رژێمی ئێران.

موقاومەتی ئێران جارێكيتر داوا لە ئەنجوومەنی ئاسايشی نەتەوە يەكگرتووەكان دەكات بەدواداچوون بكات دەربارەی تيروريستی بەربڵاوی فاشيزمی دينيی دەسەڵاتدار لە ئێران و زنجيرە تاوانەكانی ئەم رژێمە بەرانبەر بە نەياران و پەنابەرانی ئێرانی بە تايبەت لە كوردستانی عێراق.

بێگومان رژێمی دژەمرۆی ويلايەتی فەقيهی ئاخوندی حيسابی ئەم تاوانانەی دەبێ بداتەوە..

سكرتاريەتی ئەنجوومەنی نيشتمانيی موقاومەتی ئێران – پاريس

30ی سەرماوەزی 1395 (20ی ديسامبەری 2016)